പാചകം വളരെ രസകരമായ ഒരു നിര്‍മ്മാണമാണെന്ന് പ്രത്യേകം പറയേണ്ടതില്ലല്ലോ ? പപ്പായ,തേങ്ങ… തുടങ്ങി നമ്മുടെ പ്രാദേശിക വസ്തുക്കള്‍ ഉപയോഗിച്ച് മികച്ച വിഭവങ്ങള്‍ ഉണ്ടാക്കിയതിനെ കുറിച്ച് യുറീക്കയില്‍ വന്നത് കണ്ടോ ? ഇതുപോലെ നിങ്ങളുടെ പ്രദേശത്ത് സുലഭമായി കിട്ടുന്ന ഏതെങ്കിലും ഒരു പ്രകൃതി വിഭവവും മറ്റ് വസ്തുക്കളും ഉപയോഗിച്ച് ഒരു പാനീയം തയ്യാറാക്കൂ… ഉണ്ടാക്കുന്ന രീതിയും എഴുതുക.
2016 ആഗസ്റ്റ് രണ്ടാം ലക്കം യുറീക്കയിലെ “കുട്ടിവായന” എന്ന ഭാഗം വായിച്ചിരുന്നോ? കുട്ടി വായന ഈ ലിങ്കിലൂടെ ഒന്നുകൂടി വായിച്ചുനോക്കൂ. ഇനി മൂന്നാം ക്ലാസിലെ പരിസരപഠനത്തിലെ “കുഴിയാനമുതൽതു കൊമ്പനാന വരെ” എന്ന പാഠഭാഗവും വായിക്കൂ ഇപ്പോള്‍ ജീവകളെ കുറിച്ച് കുറെ കാര്യങ്ങള്‍ മനസിലാക്കിയല്ലോ ? നിങ്ങളുടെ ചുറ്റിലുമുള്ള വീടുകളില്‍ ഏതെല്ലാം വളര്‍ത്തു ജീവികളാണുള്ളത് ? അവയ്ക്ക് ഇഷ്ടപ്പെട്ട ആഹാരം ഏതാണ് ? ഒരന്വേഷണം നടത്തി പട്ടികയില്‍ രേഖപ്പെടുത്തൂ… പട്ടിക പരിശോധിച്ച് Read more…
നമുടെ ചുറ്റുവട്ടത്ത് പലതരം ജീവികൾ ഉണ്ടല്ലോ. അവയുടെ ആകൃതി വലിപ്പം നിറം പ്രകൃതം എന്നിവയൊക്കെ ഒരുപോലെയാണോ ?. അവയുടെ ശരീരഭാഗങ്ങൾക്കും വ്യത്യാസമില്ലേ ? നിങ്ങള്‍ ജീവികളുടെ വാലുകൾ ശ്രദ്ധിച്ചിട്ടുണ്ടോ? തന്നിരിക്കന്ന വീഡിയോ സൂക്ഷ്മമായി നിരീക്ഷിക്കുക. അണ്ണാന്റെ വാല്‍ അതിന് എങ്ങനെയാണ് ഉപകാരപ്പെടുന്നത് ? ഇതുപോലെ വാലുള്ള അഞ്ചു ജീവികളെ നിരീക്ഷിക്കുക. (മൃഗം, പക്ഷി, മത്സ്യം…. തുടങ്ങി ഏതെങ്കിലും മൂന്ന് വിഭാഗങ്ങളെങ്കിലും ഉണ്ടാകണം ) നിങ്ങളുടെ നിരീക്ഷണത്തിന്റെ അടിസ്ഥാനത്തില്‍ വാലുകളുടെ പ്രത്യേകതയും Read more…
താഴെ പറയുന്ന വസ്തുക്കളുടെ നിഴലുകൾ ഒരു ചുമരിലോ, പ്രതലത്തിലോ പതിപ്പിക്കുക. ഓരോന്നിന്റേയും മുകളിൽ നിന്ന് , വശങ്ങളിൽ നിന്ന് എന്നിങ്ങനെ വിവിധ ഭാഗങ്ങളിൽ നിന്ന് ടോര്‍ച്ച് ഉപയോഗിച്ച് പ്രകാശം പതിപ്പിച്ച് നിഴലുകൾ ഉണ്ടാക്കുക. ഓരോ പ്രാവശ്യവും നിങ്ങള്‍ കണ്ട നിഴലുകളുടെ ചിത്രം പട്ടികയില്‍ യഥാസ്ഥാനത്ത് വരയ്ക്കുക. പട്ടിക പരിശോധിച്ച് പ്രത്യേകതകള്‍ കണ്ടെത്തൂ…. നിങ്ങളുടേതായ നിഗമനങ്ങൾ എഴുതുക.
ഇടിച്ചു വീഴ് ത്തിയ കുന്നുകളെല്ലാം പൊടിച്ചുവന്നെങ്കില്‍ കുന്നിന്‍ മുകളില്‍ കുന്നിക്കുരുമണി കുലച്ചുനിന്നെങ്കില്‍…. 2022 ഏപ്രില്‍ ലക്കം യുറീക്കയിലെ കവിത ഇവിടെ ക്ലിക്ക് ചെയ്തു മുഴുവന്‍ വായിച്ചുനോക്കു. ഇതുപോലെ പ്രകൃതിയിലുണ്ടായിരുന്ന മറ്റു പല കാഴ്ചകളും ഇന്ന് കാണാതായിരിക്കുന്നു. അവയില്‍ സസ്യങ്ങളും ജീവികളും, ജലാശയങ്ങളും ,പ്രകൃതി വിഭവങ്ങളുമൊക്കെയുണ്ട്. നഷ്ടപ്പെട്ടവ എന്നെങ്കിലും തിരിച്ചു വന്നെങ്കില്‍, എന്ന് കവി ആശിക്കുന്നു. ഇതുപോലെ മാഞ്ഞുപോയ മറ്റെന്തൊക്കെയുണ്ട്? ഒന്നെഴുതിനോക്കൂ…. കഥ,കവിത, സംഭാഷണം എന്നിങ്ങനെ ഏതു രൂപത്തിലും എഴുതാം.
ഈ വീഡിയോ ശ്രദ്ധിക്കൂ. നിങ്ങള്‍ അതില്‍ ആരെയൊക്കെയാണ് കാണുന്നത് ? ഒരു കാക്കച്ചിയെ കാണുന്നുണ്ട് അല്ലേ ? മൂന്ന് കുഞ്ഞുങ്ങള്‍ ഭക്ഷണത്തിനായി വായും പൊളിച്ചിരിക്കുന്നുണ്ട്. അത് കാക്കയുടെ കുഞ്ഞുങ്ങളാണോ ? രണ്ട് കുഞ്ഞുങ്ങളുടെ നിറം കറുപ്പാണ് .ശരീരത്തില്‍ പുള്ളികളുള്ളതാണ് മറ്റൊന്ന്. ഇവ ഏത് പക്ഷിയുടെ കു‍ഞ്ഞുങ്ങളാണെന്ന് ഊഹിക്കാന്‍ കഴിയുന്നുണ്ടോ ? കുയില്‍ കാക്കയുടെ കൂട്ടിലാണ് മുട്ടയിടുന്നത് എന്ന് കേട്ടിട്ടില്ലേ ?അങ്ങനെ കാക്കയുടെ കൂട്ടില്‍ മുട്ടയിട്ട് വിരിഞ്ഞുവന്ന കുയിലിന്റെ മൂന്ന് കുഞ്ഞുങ്ങളാണത്. Read more…
ചിത്രം സൂഷ്മമായി നിരീക്ഷിക്കു… മരത്തെ ആശ്രയിച്ച് ജീവിക്കുന്നവര്‍ ആരെല്ലാമാണ് ? താമസക്കാരുടെ ഭാവം ശ്രദ്ധിച്ചോ? എന്തായിരിക്കും അവരുടെ മനസ്സിലെ ചിന്തകള്‍? അവരുടെ പ്രതികരണങ്ങള്‍ എന്താവും? ഇനിയെന്താണ് സംഭവിക്കുക? ഇതെല്ലാം നിങ്ങള്‍ക്ക് ഭവനയില്‍കാണാന്‍ കഴിയുന്നുണ്ടോ? ഇതിന്റെ തുടര്‍ച്ച ഒരു ചിത്രകഥയായി രൂപപ്പെടുത്താമോ ?